MUNGGAHAN
Ditulis Ku: Kebo Hideung -Griya Mitra Batik Kawalu Tasikmalaya #21 Sept 2007"Kamana
Mang meni geus saged kitu ?"
"Puguh
Lo..Amang teh aya nu ngajakan munggahan, kapanan isukan rek puasa"
"Aeh
enya Mang, waktu teh asa nyerelek teu karasa..jol-jol tepung deui jeung bulan
Ramadhan."
"Tah
eta slahsahijina yen Alo teh betah teuing didunya."
"Ari
kitu kumaha Mang ?"
"Heueuh..eta Alo
geus poho kana waktu, batur mah didago-dago bulan puasa teh, ieu mah kalahka
poho."
"He.he.he....lain
kitu Mang, ngan enya we asa tereh panggih deui jeung bulan puasa, kahayang mah
bulan puasa teh unggal bulan Mang."
"Ahh...sok
aya-aya wae Alo mah, anu tahun kamari oge can dikodoan lain ?"
"he.he.he...muhun
Mang sok kapopohokeun puguh oge."
"
"Kapanan
ari puasana unggal bulan mah, meureunan
"Har....Alo
mah boga pikiran teh kana dudunya wae, kudu saimbang atuh Lo hirup mah."
"Muhun
nya Mang kudu saimbang, mun nanggung suluh mah kenca katuhu kudu sarua beuratna
nya Mang."
"Nya
samodel kitu lah...aeh geuningan aya Ceu Erum..bade kamana Ceu ?
"Assalamu'alaikum
Mang Utas.....Assalamu'alaikum Jang Alo..hapunten nya Eceu sok loba heureuy
komo ka Jang Alo Eceu sok loba nitah..hampura nya Jang Alo." tembal Ceu
Erum
"Wa'....
alaikumsallam." tembal mang Utas jeung Jang Alo meh bareng,
"Yeuh
Mang Utas..Jang Alo..Eceu teh puguh asa kabentar gelap tengah poe ereng-erengan
geura." tembal Ceu Erum deui
"Ari
kitu Kunaon Ceu..?" tanya Mang Utas
"Puguh
Mang kuring teh aya nu ngajak botram, pedah enjing rek munggahan." tembal
ceu Erum
"Halah..paling
oge diajak botram ku si Riweuh...!" celengkeung Jang Alo,
"Enya
ah..Ceu Erum mah..sugan teh naon, pedah asa dibentar gelap tengah poe
sagala." sambung Mang Utas
"Ihhhh...sanes
atuh Jang Alo, piraku diajak ku Kang Riweuh asa kabentar gelap tengah poes
sagala..ieu mah anu ngulemna oge pupuhu lembur Mang !" tembal ceu Erum
"Hmmm...ngarahul
teh asa kabina-bina teuing Ceu Erum mah." tembal mang Utas
"Enya
ceu Erum mah..jiga tim sukses wae hayang diajak botram ku pupuhu anyar."
"Har..meni
teu percaya ka Eceu teh..abong-abong Eceu teu ditiung..!"
"Matakna
ceu ditiung geura meungpeung rek Puasa, kapanan artis oge anu tadina
dibuligir sirah ari bulan puasa mah ngadadak ditariung." tembal mang
Utas
"Halah
Mang...teu ngajamin ditiung bisa dipercaya batur, puguh rek botram jeung si
Riweuh hayoh kalahka ngaku-ngaku diulem botram ku pupuhu
lembur....basi Mang...!"
"Ke..ke.ke....
"Timburu
nya..ka Kang Riweuh..?" sambung ceu Erum
"Teuuuuuu...kuring
mah teu Timburu ka sasaha....ngan aneh we kuring mah, geus ah..kuring oge rek
botram jeung Gubernur..hampura nya Mang, Ceu... ." tembal si Alo
"Astagfirullah
al'adzim...eta si Alo aya kituna...hmmm hampuraeun si Alo mah Ceu."
gerendeng Mang Utas
"Muhun
Mang ku kuring oge tos dihampura, kuring oge hampura atuh bilih aya kalepatan
salami ieu." tembal Ceu Erum
"Enya
ceu.kukuring dihampura, pon kitu deui kuring oge sarua menta dihampura, urang
teh mapag bulan suci teh kudu ku hate bersih, ngarah bersih hasilna tur meunang
pangridho ti Gusti anu Maha Suci."
"Tah
ayeuna mah sakalian we kanggo anu sok rajeun macaan paguneman Mang Utas, amang
saparakanca bade meredih kaasih, tur menta dihampura kasadayana boh bilih
baraya sadaya aya anu kabadug kalbu atawa katoel hate ku tulisan-tulisan
Mang Utas saparakanca, sakali deui Mang Utas saparakanca nuhunkeun
dihapunten...Marhaban Ya Ramadhan...wilujeng saum."
Cag.
M*E*R*E
Ditulis Ku: Kebo Hideung -Griya Mitra Batik Kawalu Tasikmalaya #Juli 2008
Kunaon Lo nguyung kitu? jiga keur
boga kasusah.
Ah..geuleuh uing mah Mang..jaba campur
sebel hayang utah ningali beungeutna oge !
Har..ari Alo..
hayang utah mah atuh tinggal utah, tong dihenghem kitu kalahka matak lieur kana
sirah.
Mang...! ieu mah lain
hayang utah jiga anu mabok dina beus, tapi...
Tapi naon
Lo..?
Enya we..uing teh sebel ka si eta teh !
Ka saha Lo ? sing jentre atuh ngarah teu jadi fitnah.
Kasaha deui atuh Mang mun teu ka si
wadah runtah mah.
Tuh nya Alo mah teu puguh, sagala
disebut, saha atuh maksud teh ?
Eta si Ewok Mang,
pikasebeleun jaba matak ngerakeun jalmana..!
Ari kitu pedah naon Lo, jiga anu ambek pisan?
Kieu Mang caritana mah...
Cikan
kumaha Lo...sok nyalse we ngobrolna
Basa kamari kapanan
aya tamu ka bumi mama ajengan
Tamu timana kitu?
Ah..duka teh teuing tamu timana-mana namah, da eta tamu teh
disuguhan beuleum lauk gurame jeung sagala rupa.
Tuluy
kumaha ?
Nya pondok caritana mah si tamu teh taruang we
balakecrakan, bakat ku loba tuangeun, nya nyesa we gurame jeung nu sejenna
teh.
Tuluy hubungana jeung si
Ewok naon Lo?
Tah eta anu matak pikaseueuleun teh..
Enya atuh naon Lo..?
Tah..sisa tuang
tamu teh diringkid ku si Ewok kabeh teu nyesa, tinggal wadahna Mang..! Coba
emut ku Amang pan matak ngerakeun...!
Ha.ha.ha.ha.....sugan teh kunaon ha.ha.ha.ha...
Naha Amang kalahka seuri..?!
He.he.he...hampura Lo..lain nyeungseurikeun Alo ieu mah,
tapi hayang seuri ku kalakuan si Ewok amang mah.
Ah..nukitu mah boro-boro matak pikaseurieun Mang, nu puguh
mah matak hayang nalapung.
Enya
Lo saliwat mah kalakuan si Ewok teh pikasebeleun, hese Lo si eta mah geus adat
ka kurung ku iga, lain carekeun tapi maklumeun si Ewok mah.
Kieu Lo... hirup mah tong sok hayang dibere, tapi hirup mah
kudu bisa mere ka batur, hartina salengkah-lengkahna urang teh kudu bisa mawa
atawa mere mangfaat keur batur, Insya Allah hirup urang moal ngarasa
kakurangan.
Ah..da uing mah teu
hayang dibere gurame, komo eta gurame pasesaan..!
Enya
matakna geus tong dipikiran, da moal matak ngabalikeun deui gurame anu dibawa ku
Si Ewok, ayeuna mah mending syukuran, Alo mah teu dibere gurame oge kapanan boga
di balong, tuh ting suruwuk meupeuskeun cai anu sakitu herangna.
Hmm..enya nya Mang, naha uing teh
bet boga hate sirik ningali polahna Kang Ewok, padahal uing mah gurame oge
tinggal nyiuk di balong.
Tah alus
atuh ari geus kaharti mah, sok anggur mah bere tah si Ewok, karunya kapanan
manehna mah teu boga endol-endol acan komo balong mah. Jaba si Ewok mah budakna
oge reuay, atoheun geura dibere gurame anu sakilo oge.
Ah enya Mang kuring rek mere kang
ewok, itung-itung panebus dosa, dupi si Bibi resep gurame?
Ihh...puguh we atuh Lo, ari gurame mah kasedep manehna ti
jaman leutik mula.
Ke atuh sakalian nitip kaanggo si Bibi
sina dipasak.
Ah..teu kudu Lo..tapi ari Alo ridho mah teu
nanaon hehehehe...
Antosan
sakedap nya Mang, uing ngala lauk heula.
Enya jig
atuh..ku Amang didagoan di warung.
*****************************************